Planteamenduaren lehentasun nagusia Pasaiako Badiaren ezinbesteko eta premiazko erregenerazio integrala da.

Eta benetan integrala izateko, beharrezkoa da portuko jarduera egungo kokapenetik ateratzea, batez ere, ingurumen arrazoiak direla-eta.

Baina hori bezain egia da Gipuzkoak eta bere industriak ezin direla bere produktuak ateratzeko merkatal-porturik gabe moldatu.

Eta Gipuzkoako ekonomiak ere ezin ditu portuak zuzenean edo zeharka sortzen dituen hiru mila lanpostuak galdu; izan ere, horiek lurraldeko lehen industrialdea bihurtzen dute, nolabait.

Egoera horretan, irtenbide posible eta bideragarri bakarra dago: portu berria eraikitzea eta hurbil egitea, orain dela hainbeste urte Pasaia intermodalitatearen (hitz hori erabiltzen hasi baino lehen) lehen adibide bihurtu zuten azpiegituren zati handi bat erabilgarri izaten jarrai dezan.